Inatolewa
chini ya Kanuni ya 99(9) ya Kanununi za Kudumu za Bunge, Toleo la Aprili, 2013
_________________________
1. UTANGULIZI.
Mheshimiwa Spika, napenda
kuchukua fursa hii kumshukuru sana sana
Mheshimiwa Spika,
napenda pia kuishukuru familia yangu kwa kuendelea kunifariji na kunitia moyo
pindi ninapokutana na changamoto mbalimbali za kisiasa.
Mheshimiwa Spika,
napenda kutambua na kupongeza kazi na juhudi za viongozi wetu wakuu wa UKAWA za kuendelea kuuelimisha umma wa
Watanzania juu ya umuhimu wa kushiriki kikamilifu katika michakato ya
kidemokrasia na mageuzi ya kisiasa katika nchi yetu. Kwa heshima kubwa naomba
kutambua mchango uliotukuka wa fikra na uongozi wa Mhe. Freeman Aikaeli Mbowe
(Mb), Mwenyekiti wa UKAWA, na Kiongozi
wa Upinzani Bungeni, Wenyeviti wenza wa UKAWA, Waheshimiwa Prof. Ibrahim
Lipumba (CUF), Dr. Emmanuel Makaidi (NLD) na James Mbatia (NCCR – Mageuzi).
Aidha, pongezi hizi ziwafikie pia
Makatibu wakuu wa vyama vinavyounda UKAWA, itifaki ikiwa imezingatiwa.
Mheshimiwa Spika, katika
Bunge hili la kumi, hii itakuwa ni hotuba yangu ya mwisho kama
Msemaji Mkuu wa Kambi Rasmi ya Upinzani Bungeni katika Wizara ya Mambo ya Nje
na Ushirikiano wa Kimataifa kwa kuwa maisha ya Bunge hili yanaelekea ukingoni.
Ninaamini niliitumikia nafasi hii kwa weledi mkubwa na hata Waziri mwenye
dhamana anatambua mchango mkubwa wa Kambi ya Upinzani Bungeni katika kuiboresha
Wizara yake. Nawatakia wabunge wote maisha mema uraiani baada ya bunge hili kuvunjwa, lakini
niwatakie heri na ushindi wa kishindo wabunge wote wa UKAWA na watia nia wote
wa Udiwani, Ubunge, na Urais watakaopendekezwa kugombea nafasi hizo kupitia
UKAWA katika uchaguzi mkuu wa Oktoba mwaka huu wa 2015. Ni imani yangu na ni
maombi ya wananchi kwamba; safari hii asilimia 80 wa wabunge wakaoapishwa
katika bunge la kumi na moja watatokana na vyama vya UKAWA.
Inaendelea....
2. HALI YA SIASA NA MWENENDO WA
DEMOKRASIA KIMATAIFA
Mheshimiwa Spika,
Kambi Rasmi ya Upinzani Bungeni inapenda, kwa dhati kabisa, kuipongeza Serikali
ya Uingereza na wananchi wote wa Uingereza kwa kufanya uchaguzi huru, wa haki
na wa kidemokrasia uliomwezesha Ndugu David Cameroon wa chama cha Conservative
kuwa tena Waziri Mkuu wa Uingereza kwa
mhula wa pili. Tunampongeza sana
Mheshimiwa Spika,
Kambi Rasmi ya Upinzani Bungeni inapenda pia kuipongeza Serikali ya Nigeria na Wananchi wote wa Nigeria
Mheshimiwa Spika,
tunatoa angalizo hilo kwa sababu tayari kuna kila dalili kwamba Serikali hii ya
CCM haiko tayari kutoa madaraka kwa
chama cha Upinzani, na ushahidi wa jambo hili ni kitendo cha Amiri Jeshi Mkuu,
Rais Jakaya Kikwete kuruhusu Kambi za Jeshi za Chukwani na 672 KJ huko Zanzibar
kutumika kutengeneza vitambulisho vya
Mzanzibari Mkazi (ZAN ID) kwa wageni ili kuisaidia CCM kushinda uchaguzi kwa
kutumia mamluki jambo ambalo ni kinyume
kabisa na sheria na liweza kuhatarisha amani ya Zanzibar na Tanzania nzima kwa
ujumla.
Mheshimiwa Spika, tunampongeza
Rais Mpya wa Nigeria Ndugu Muhammadu Buhari kwa ushindi wa kishindo alioupata
na tunamshauri kuendelea kudumisha demokrasia ya nchi hiyo kwa kufuata nyayo za
mtangulizi wake ya kukubaliana na uamuzi wa wananchi.
Mheshimiwa Spika,
Kambi Rasmi ya Upinzani Bungeni inapenda
pia kuchukua nafasi hii kuwapongeza
wananchi wa Tunisia kwa kutumia vema haki yao ya kidemokrasia kwa kufanya
uchaguzi wa Rais wao mwaka jana 2014 –
uchaguzi ambao ni wa kihistoria kwani ulikuwa ni uchaguzi wa kwanza huru na wa
haki tangu nchi hiyo ipate uhuru wake mwaka 1956. Ulikuwa pia ni uchaguzi wa
kwanza wa kawaida wa Rais baada ya Mapinduzi ya Tunisia
ya mwaka 2011, na ulikuwa uchaguzi wa kwanza tangu taifa hilo
Mheshimiwa Spika,
Kambi Rasmi ya Upinzani Bungeni inaitaka Serikali hii ya CCM kujifunza kutoka
katika uchaguzi mkuu wa Tunisia hilo Tunisia , Ndugu Beji Caid Essebsi kwa ushindi
alioupata, na tunamwomba aendelee kudumisha demokrasia nchini humo kama mtangulizi wake alivyofanya.
Mheshimiwa Spika,
Tanzania sasa ina mifano mingi ya kuiga katika kukuza demokrasia hapa nchini.
Kama taifa tuna kila sababu ya kujifunza kutoka kwa majirani zetu wa Malawi na Zambia Malawi
na Edgar Lungu wa Zambia
Mheshimiwa Spika,
kwa upande wa Malawi tuna cha ziada cha kujifunza kwani awali aliyekuwa Rais wa
nchi hiyo Joyce Banda kwani alikataa
matokeo na kufanya jitihada za kuyabatilisha ili uchaguzi urudiwe, lakini Tume
ya Uchaguzi ya Nchi hiyo ilisimama kidete na Mahakama Kuu ya Nchi hiyo nayo
ilisimama kidete kuhakikisha kuwa haki ya wananchi inalindwa na uamuzi wao
unaheshimiwa. Kwa funzo hilo, Kambi Rasmi ya Upinzani Bungeni inaitaka Tume ya
Taifa ya Uchaguzi kutenda haki kuanzia wakati huu wa uandikishaji wapiga kura,
na mchakato mzima wa upigaji kura na kutoa matokeo ya uchaguzi ili kuliepusha
taifa na machafuko yasiyo ya lazima.
Mheshimiwa Spika,
la mwisho katika sehemu hii ni hali ya kisiasa kwa majirani zetu wa Burundi Burundi Burundi Tanzania
Mheshimiwa Spika, katika
mwendelezo wa machafuko nchini Burundi, tarehe 23 Mei, 2015 Kiongozi wa chama
cha Upinzani cha Union for Peace and Development (UPD) Zedi Feruz, aliuwawa yeye na
mlinzi wake kwa kupigwa risasi na watu wasiojulikana nyumbani kwake mjini
Bujumbura.
Mheshimiwa Spika, kuuawa
kwa kiongozi huyo wa upinzani tayari kumevunja mazungumzo ya kutafuta amani
kati ya Serikali na vyama vya Upinzani yaliyokuwa yakiendelea nchini humo na
hali ya usalama na amani nchini humo inazidi kuwa tete. Kambi Rasmi ya Upinzani
Bungeni inaungana na wananchi wa Burundi
kulaani mauaji hayo, na inatumia fursa hii kumshauri Rais wa Burundi
3. TATHMINI YA KAZI ZA UPINZANI
KATIKA WIZARA YA MAMBO YA NJE NA USHIRIKIANO WA KIMATAIFA
Mheshimiwa Spika,
kwa miaka yote mitano ya uhai wa Bunge hili, Kambi Rasmi ya Upinzani Bungeni
itakumbukwa kwa kutoa ushauri mzuri kwa
Serikali uliolenga kuiboresha wizara hii
ili iwe katika viwango vya kimataifa lakini kwa masikitiko makubwa Serikali hii
ya CCM inayojiita sikivu haikuwahi kusikia na kuyafanyia kazi mapendekezo hayo, ndio maana tunawasihi
wananchi waipumzishe katika uchaguzi wa Oktoba, 2015 na kuipa UKAWA ridhaa ya
kuunda Serikali.
Mheshimiwa Spika,
baadhi ya masuala muhimu ambayo Kambi Rasmi ya Upinzani ilipendekeza kwa miaka
yote mitano ya uhai wa Bunge hili na Serikali kuendelea kuziba masikio ni kama ifuatavyo:
i.
Tuliitaka Serikali kuzielekeza
balozi zetu kutekeleza diplomasia ya uchumi na kutoa taarifa ya namna kila
ubalozi ulivyotekeleza sera ya diplomasia ya uchumi. Tulipendekeza hivi kwa
kuwa ilionekana kuwa balozi zetu ziko kwa maslahi ya kisiasa zaidi kuliko maslahi ya kiuchumi
kiuchumi
ii.
Tuliishauri Serikali kuongeza bajeti
ya maendeleo kwa balozi zetu nje ya nchi ambazo zilikuwa hoi sana kifedha ili
waweze kufanya kazi zao kwa ufanisi. Msingi wa pendekezo hili ulitokana na
ukweli kwamba balozi zetu nje hazikuwa na hazina bajeti ya kutosha hadi sasa.
Ilifikia wakati magari ya mabalozi yakawa chakavu na kukosa mafuta jambo ambalo
liliifedhehesha sana
iii.
Tuliitaka Serikali kufanya uchunguzi
kuhusu tuhuma za balozi zetu nchini China
iv.
Kwa miaka yote ya utawala wa Serikali
hii ya awamu ya nne, tumekuwa tukiitaka Serikali kupeleka mwambata wa kiuchumi
(economic attaché) nchini China na nchi
nyingine ambazo tuna balozi ili
kufuatilia fursa mbalimbali za kiuchumi katika kutekeleza diplomasia ya uchumi
kutokana na mahusiano makubwa ya kibiashara
kati ya nchi yetu na China, na
kutokana kubadilika kwa zama (paradigm
shift) kutoka kwenye diplomasia ya kisiasa kwenda kwenye diplomasia ya
kiuchumi.
v.
Kwa miaka yote mitano ya uhai wa
Bunge hili, tumekuwa tukiishauri Serikali Kuwawekea zuio wahusika wa kashfa ya
rada kuwa viongozi wa shughuli za kiserekali ili kuonesha uwajibikaji wa
kimaadili (moral accountability) baada ya kushindwa kuwawajibisha kisheria, ili
kuondoa dhana iliyojengeka miongoni mwa jamii kwamba dola imetekwa na mafisadi.
vi.
Tuliitaka Serikali pia Kueleza
bayana faida za kiuchumi tunazopata kama taifa
kwa kushirikiana na jumuiya mbalimbali za kimataifa ili kuthibitisha kwamba
mashirikiano hayo hayatumiki kupora rasilimali za nchi yetu kwa hila ya
“uwekezaji”
vii.
Tuliitaka Serikali Kutoa idadi ya
majengo ya balozi zetu nje (nyumba za mabalozi, nyumba za maafisa wa balozi na
ofisi za balozi) kwa mchanganuo wa idadi ya nyumba katika nchi na kama nyumba
hizo zina hati miliki au la ili kuweka kumbukumbu ya mali
viii.
Kambi Rasmi ya Upinzani Bungeni
iliitaka Serikali kudhibiti matumizi ya fedha kwa ajili ya safari za viongozi
wakuu nje ya nchi (state visits) kwa kuziwekea ukomo (ceiling) ili kuziba
mianya ya wizi mkubwa wa fedha uliokuwa unafanyika kupitia kasma hiyo.
ix.
Kambi Rasmi ya Upinzani iliitaka
Serikali kueleza mkakati ilio nao kwa ajili ya kuratibu michango ya kiuchumi ya
watanzania wanaoishi na wanofanya kazi nje ya nchi (Diaspora remittance) kama nchi nyingine zinavyofanya.
x.
Tuliitaka pia Serikali kuwateua mabalozi kuwa maafisa masululi katika balozi zao ili fedha
zao za bajeti zilipwe moja kwa moja kwenye balozi ili kuondoa urasimu uliopo
ambapo fedha za balozi zinatoka hazina, zinakwenda wizara ya mambo ya nje ndipo
zifike ubalozini jambo ambalo linachelewesha bajeti za balozi kufika kwa wakati
na hivyo kuzifanya zishindwe kufanya kazi zake kwa ufanisi.
Mheshimiwa Spika,
mambo ambayo Kambi Rasmi ya Upinzani imefanya katika wizara hii ni mengi na
siwezi kuyataja yote hapa. Itoshe kusema kwamba Kambi Rasmi ya Upinzani
imeshauri kwa kadiri iwezekanavyo, lakini kwa kuwa haina mamlaka ya kukusanya
kodi kama Serikali, haiwezi kuyatekeleza kwa
vitendo. Lakini kwa kuwa Serikali hii imeendelea kuwa kiziwi kwa mambo mazuri
tunayoishauri, tunawaomba wananchi watupime kwa hoja zetu na waamue kutuchagua kama UKAWA ili tukamilishe ndoto zao zilizodumu kwa zaidi
ya miaka 50 bila ufumbuzi.
4. MATUMIZI MABAYA YA MAHUSIANO YA
KIMATAIFA
Mheshimiwa Spika,
mahusiano makubwa yaliyoibuka ghafla
hivi karibuni kati ya Tanzania
Mheshimiwa Spika,
ni dhahiri kwamba chama cha FRELIMO nchini Msumbiji ni chama rafiki na CCM. Imebainika
kwamba, vyama hivi vimeamua kutengeneza mkakati wa kusaidiana kushinda chaguzi
baada ya kuona dalili za kuzidiwa na nguvu ya upinzani katika nchi zao. Mbinu wanazotumia ni kutumia Serikali za
vyama vyao zilizopo madarakani kuanzisha mashirikiano ya “fasta-fasta” hadi kufikia uamuzi wa kuacha mipaka huru!!!!!
Mheshimiwa Spika,
mbinu hiyo chafu tayari imeshtukiwa huko Zanzibar
ambapo inasadikiwa kwamba raia wa Msumbiji wanaandikishwa katika kambi za jeshi
na kupewa vitambulisho vya mzanzibari mkazi ili waweze kupiga kura katika
uchaguzi wa Zanzibar Tanzania
Mheshimiwa Spika,
Kambi Rasmi ya Upinzani Bungeni inatoa angalizo kwa Serikali kwamba haitavumilia
kuona mchezo huu mchafu ukiendelea hapa nchini. Tunaitaka Serikali kulieleza
Bunge hili kuna fursa gani za kiuchumi zilizogundulika Msumbiji sasa hivi hadi
kuondoa masharti ya viza ambazo hazikuwepo tangu enzi za utawala wa Baba wa
Taifa Hayati Mwalimu Nyerere? Kama ni kigezo
cha ujirani, Je Serikali iko tayari kufungua mipaka kwa nchi zote jirani bila
masharti ya hati za kusafiria?
5. UNYANYAPAA
DHIDI YA RAIA WA KIGENI NCHINI AFRIKA YA
KUSINI
Mheshimiwa Spika, licha
ya kukoma kwa ubaguzi wa rangi Afrika ya Kusini kipindi cha utawala wa
makaburu, Afrika ya kusini sasa imeingia katika rekodi ya dunia kwa kuwabagua
waafrika wenzao wanaofanya kazi nchini humo.
Mheshimiwa Spika,
katika sakata hilo , watanzania waliokuwa
wakifanya kazi Afrika ya Kusini waliathirika sana
Mheshimiwa Spika,
itakumbukwa kwamba Tanzania
ilisifika sana
Mheshimiwa Spika,
kama tulisaidia nchi hizo kupata uhuru bila
mkataba wowote wa manufaa ya kiuchumi kwa nchi yetu kutokana na siasa yetu ya
wakati huo ya ujamaa, basi sasa Kambi Rasmi ya Upinzani Bungeni inataka
Serikali kutoanzisha mahusiano ya burebure na nchi yoyote bila kufanya “Cost -Benefit Analysis” ya kutosha na
kuona taifa linanufaika vipi. Aidha, tunaitaka Serikali kulieleza Bunge hili
ina mpango gani wa kisera wa kulinda ajira kwa wazawa kutochukuliwa na wageni?
6. DIPLOMASIA YA UCHUMI NA
MGAWANYO WA BALOZI ZA TANZANIA
Mheshimiwa Spika, kwa
miaka yote kumi ya utawala wa Serikali hii ya CCM, Kambi Rasmi ya Upinzani
Bungeni imekuwa ikiishauri Serikali kutazama upya mgawanyo wa balozi za Tanzania
Mheshimiwa Spika, msingi
wa ushauri huu ni kutokana na ukweli kwamba kumekuwa na mabadiliko ya zama “paradigm shift” ambapo dunia imehama
kutoka katika zama za diplomasia ya kisiasa na kwenda katika zama za diplomasia
ya uchumi. Kutokana na hali hiyo, Kambi Rasmi ya Upinzani Bungeni iliishauri
Serikali kwamba Serikali inapoteua
mabalozi kwenda nchi mbalimbali duniani, ifanye hivyo kimkakati; na mkakati namba moja, uwe ni mkakati wa
kukuza na kuedeleza diplomasia ya uchumi ndipo zaidi kuliko mambo mengine.
Kambi Rasmi ya Upinzani ilishauri kwamba ikiwa hakuna fursa za kiuchumi
tutakazopata kama taifa kwa kuwa na ubalozi
katika nchi fulani, ni bora ubalozi huo usianzishwe.
Mheshimiwa Spika, ni
katika muktadha huo, tuliishauri Serikali hii ya CCM kufanya tathmini juu ya faida halisi
za kiuchumi tunazopata kutoka kila nchi tuliyoweka Ubalozi. Taarifa ya
tathmini hiyo itumike kama dira ya kufanya uamuzi kama
bado kuna haja ya kuendelea na ubalozi huo au kuufunga. Aidha, ni katika
muktadha huohuo tuliishauri Serikali kuachana na fikra za kizamani za kurundika
balozi nyingi katika ukanda mmoja kwa maslahi ya kisiasa zaidi kuliko ya
kiuchumi.
Kwa
mfano, Kambi Rasmi ya Upinzani Bungeni haikuona mantiki ya kuwa na balozi
katika nchi zote mbili za Rwanda
na Burundi Zimbabwe ,
Msumbiji , Zambia ,
Malawi
Mheshimiwa
Spika, Kambi Rasmi ya Upinzani Bungeni iliishauri
Serikali kutumia mfano wa ubalozi wetu nchini sweden ambao unahudumia nchi
nyingine za Scandinavia kama vile Denmark, Norway na Finland. Ushauri huu ulitokana
na ukweli kwamba tunapata faida za kiuchumi zaidi kutoka katika nchi hizo
kupitia fursa mbalimbali ikiwemo misaada ya kibajeti licha ya kuwa na ubalozi
mmoja tu katika ukanda huo.
Mheshimiwa
Spika, kwa
kuwa Serikali hii ya CCM imeshindwa kutekeleza diplomasia ya uchumi jambo
linalodhihirisha kwamba imepitwa na wakati na hivyo kushindwa kuendana na
mabadiliko ya zama, Kambi Rasmi ya Upinzani Bungeni inawaahidi wananchi kwamba
Upinzani utakapochukua dola baada ya ushindi katika uchaguzi wa Oktoba, 2015,
Balozi zote za Tanzania nje ya nchi zitapangwa katika mkakati wa kukuza
diplomasia ya uchumi.
7. MASUALA AMBAYO SERIKALI
IMESHINDWA KUTEKELEZA
Mheshimiwa
Spika, Serikali hii ya awamu ya nne inaondoka
madarakani ikiwa imeshindwa kutekeleza masuala mengi katika Wizara hii ya mambo
ya nne.
Mheshimiwa
Spika, Serikali hii imeshindwa kutekeleza bajeti ya
maendeleo kwenye wizara hii. Kwa miaka
yote ya utawala wa serikali hii ya awamu
ya nne; Kambi Rasmi ya Upinzani ilieleza
jinsi balozi zetu katika mataifa mbalimbali zilivyo na hali mbaya kutokana na
kukosa fedha za kuziwezesha kufanya kazi kwa ufanisi. Hali ya balozi hizo bado
ni duni, na Serikali hii inaondoka madarakani
ikiziacha katika hali mbaya.
Mheshimiwa
Spika, Kambi Rasmi ya Upinzani Bungeni inaahidi
kutekeleza bajeti ya maendeleo katika wizara hii kwa asilimia 100 baada ya
kuchukua dola kupitia UKAWA katika uchaguzi wa Oktoba mwaka huu 2015.
Mheshimiwa
Spika, Serikali hii imeshindwa kupeleka mwambata wa
kiuchumi (economic attaché) nchini China ili kufuatilia fursa mbalimbali za
kiuchumi katika kutekeleza diplomasia ya uchumi kutokana na mahusiano makubwa
ya kibiashara kati ya nchi yetu na China kama tulivyoishauri kwani mpaka sasa
hakuna taarifa rasmi za utekelezaji wa pendekezo hilo.
Mheshimiwa
Spika, Serikali hii pia ilishindwa kuwawekea zuio
wahusika wa kashfa ya rada kuwa viongozi wa shughuli za kiserikali ili kuonesha
uwajibikaji wa kimaadili (moral accountability) baada ya kushindwa
kuwawajibisha kisheria, ili kuondoa dhana iliyojengeka miongoni mwa jamii
kwamba dola imetekwa na mafisadi. Msingi wa pendekezo hili ni kwamba raia wa
Uingereza waliohusika katika kashfa hiyo waliwajibishwa kwa mujibu wa sheria za
nchi yao Tanzania
8. MAPITIO YA UTEKELEZAJI WA
BAJETI YA 2014/15 MA UCHAMBUZI WA BAJETI YA WIZARA KWA MWAKA WA FEDHA 2015/16
Mheshimwa
Spika, fedha iliyotengwa na Bunge kwa ajili ya bajeti
ya maendeleo katika wizara hii kwa mwaka wa fedha 2014/15 ilikuwa ni shilingi bilioni 30. Hata hivyo, hadi kufikia
tarehe 31 Machi, 2015 fedha zilizotolewa na hazina kwa ajili ya maendeleo ni
shilingi bilioni 16.6 sawa na asilimia 55.
Mheshimiwa
Spika, ikumbukwe kwamba fedha hizi ndizo zinatumika
kukarabati balozi zetu ambazo tumeshaeleza kuwa zipo katika hali mbaya. Aidha,
fedha hizi hutumika kulipia pango katika majengo ya balozi tuliyokodisha na
kununua magari ya mabalozi, kuendesha warsha mbalimbali na matangazo kwa ajili
ya kuitangaza nchi yetu nje ya nchi. Kitendo cha kutekeleza bajeti ya maendeleo
kwa asilimia 55 tu kunaleta mashaka kama
balozi zetu zinaendeshwa kwa ufanisi.
Mheshimiwa
Spika, kwa mwaka wa fedha 2015/16, Wizara hii inaomba
kuidhinishiwa shilingi bilioni 12
kwa ajili ya miradi ya maendeleo. Kiasi hicho ni pungufu kwa shilingi bilioni 18 sawa na anguko la asilimia 60 ukilinganisha na shilingi
bilioni 30 iliyotengwa mwaka wa fedha 2014/15. Hata hivyo
Mheshimiwa
Spika, kwa ujumla bajeti nzima ya Wizara ya Mambo ya Nje na Ushirikiano wa
Kimataifa (fungu 34) kwa mwaka wa fedha 2015/16 imeporomoka kwa asilimia 19
kutoka shilingi bilioni 190.29 kwa
mwaka huu wa fedha unaomalizika 2014/15
hadi shilingi bilioni 154.87 kwa
mwaka mpya wa fedha 2015/16
Mheshimiwa
Spika, kwa tukio hili la kupunguza bajeti ya Wizara
hii ni kwamba ufanisi wa wizara hii utaendelea kudorora, na miradi mingi ya
maendeleo katika wizara hii itakwama. Kambi Rasmi ya Upinzani Bungeni inaitaka
Serikali kutoa maelezo ya kutosha ni kwa nini bajeti ya Wizara hii imepungua.
Aidha, Kambi Rasmi ya Upinzani Bungeni inaitaka Serikali kueleza itatua vipi
matatizo ya balozi zetu ikiwa bajeti ya maendeleo imeporomoka kwa asilimia 60
ukilinganisha na bajeti ya maendeleo ya 2014/15
9. HITIMISHO
Mheshimiwa Spika, napenda
kumalizia hotuba yangu kwa kuyapongeza tena mataifa mbalimbali duniani
yaliyotumia vema haki yao
Mheshimiwa Spika, Kambi
Rasmi ya Upinzani Bungeni inaitaka Serikali kujifunza kutoka katika nchi hizo
na kujiandaa kisaikolojia kupokea mabadiliko pindi yatakapotokea ifikapo Oktoba
mwaka huu 2015. Aidha, tunaionya Serikali kutotumia vibaya mahusiano ya
Kimataifa katika kuingilia demokrasia ya ndani ya nchi yetu.
Mheshimiwa Spika,
Kwa kuwa Serikali hii imeshindwa kutekeleza kikamilifu majukumu yaliyopo chini
ya Wizara hii kikamilifu; kwa kuwa Serikali hii haitakuwepo madarakani wakati
wa utekelezaji wa bajeti hii, Kambi Rasmi ya Upinzani Bungeni inapenda kuwaomba
wananchi wote wauunge mkono UKAWA katika uchaguzi wa Oktoba, 2015 ili kuwa na
Serikali makini ya UKAWA itakayotekeleza majukumu ya Wizara hii kikamilifu.
Mheshimiwa Spika,
baada ya kusema hayo; kwa niaba ya Kambi Rasmi ya Upinzani naomba kuwasilisha.
Ezekia Dibogo Wenje (Mb)
MSEMAJI MKUU
WA KAMBI RASMI YA UPINZANI BUNGENI
NA WAZIRI
KIVULI WAMAMBO YA NJE NA USHIRIKIANO WA KIMATAIFA
29 Mei, 2015
No comments:
Post a Comment