Friday, January 19, 2018

HALI YA TUNDU LISSU INAENDELEA KUIMARIKA

Mwanasheria Mkuu wa CHADEMA, Mbunge wa Singida Mashariki na Rais wa TLS, Mhe Tundu Lisu akiwa nchini Ubelgiji anapoendelea na matibabu na mazoezi ya kuimarisha viungo, huku akiwa ameweza kutembea mwenyewe kwa kutumia gongo na hali yake kuzidi kuimarika zaidi.



TAARIFA KWA UMMA, KUHUSU UCHAGUZI MDOGO WA KINONDONI NA SIHA.

TAARIFA KWA UMMA, KUHUSU UCHAGUZI MDOGO WA KINONDONI NA SIHA.

Kamati Kuu ya Chama imemaliza Vikao vyake Leo tarehe 19 Januari, 2018 na imefanya uamuzi wa kushiriki kwenye uchaguzi mdogo kwenye majimbo ya Kinondoni na Siha unaotarajiwa kufanyika tarehe 19 Februari, 2018.

Baada ya uamuzi huu kufanyika , Kamati Kuu imewateua wagombea wa Majimbo hayo kama ifuatavyo;

1. Jimbo la Kinondoni ameteuliwa Mhe. Salum Mwalim Juma

2. Jimbo la Siha ameteuliwa Bwana Elvis Christopher Mosi

Wagombea wote wameshachukua fomu za uteuzi kutoka kwa wasimamizi wa uchaguzi kwenye majimbo husika na watazirejesha kesho Jumamosi tarehe 20 Januari 2018 , kwa ajili ya uteuzi.

Imetolewa Leo tarehe 19 Januari, 2018.

John Mrema - Mkurugenzi wa Itikadi, Mawasiliano na Mambo ya Nje.

Mbunge wa Mbeya Joseph Mbilinyi 'Sugu', amenyimwa dhamana tena na amerudishwa rumande hadi 22 Jan 2018

Mbunge wa Mbeya Mjini Mhe. Joseph Mbilinyi “Sugu’’ pamoja na Katibu wa CHADEMA Kanda ya Nyasa Emmanuel Masonga, wamerudishwa rumande hadi Jumatatu ijayo ambapo kesi yao ya kutoa matamshi ya uchochezi itaanza kusikilizwa mfululizo.

Wawili hao, walifikishwa Mahakamani kwa mara ya kwanza Jumanne tarehe 16 Januari, 2018 katika Mahakama ya Mkoa wa Mbeya na mahakama iliwanyima dhamana na kuamuru wapelekwe rumande mpaka tarehe 19 Januari 2018(leo) ambapo pia wamenyimwa dhamana hadi Jumatatu.

Kesi hiyo ambayo watuhumiwa wanasimamiwa na Wakili msomi Boniface Mwabukusi ilifunguliwa kutokana na maneno waliyotoa katika hotuba zao walizotoa katika Mkutano wa Hadhara wa Mbunge huyo wa Mbeya Mjini uliofanyika tarehe 30 Disemba, 2017 katika kiwanja cha Shule ya msingi Mwenge iliyopo katika Kata ya Ruanda jijini Mbeya.

Mashtaka yao ni matumizi ya lugha ya fedheha dhidi ya Rais Magufuli ambaye amechaguliwa na Watanzania wakiwamo watu wa Mbeya

Hakimu Mkazi Mfawidhi wa Mahakama ya Mkoa wa Mbeya amesema sababu kumnyima dhamana mshtakiwa Sugu na mwenzake Emmanuel Masonga ni hofu ya mshtakiwa kutohudhuira mahakamani mara kwa mara.

Wakili wa Serikali aliiambia mahakama iwaweke ndani watuhumiwa kwa ajili ya usalama wao na walikuwa wakifuatiliwa na kuna viashiria vya usalama wao kuwa mdogo.

Friday, January 12, 2018

WANAOHAMA CHADEMA KWENDA CCM WANAJALI MATUMBO YAO NA SIYO KUSAIDIA TAIFA (BAVICHA)

BARAZA la Vijana wa Chadema (Bavicha), limesema wimbi la kuhama kwa viongozi na wanachama wa chama hicho, unakipa nafasi ya kujirekebisha na kujipanga vizuri ikiwamo kubaki na wanaofuata misingi ya chama.

Hayo yamesemwa leo jijini Dar es Salaam na Katibu Mkuu wa Bavicha Taifa, Julius Mwita akijibu swali la mwandishi wa habari aliyetaka kujua kauli ya Bavicha kuhusu wimbi la kung'atuka kwa viongozi na wanachama wa Chadema na kujiunga na CCM).

Amesema “Ni fursa kwa Chadema kuachana na wale wasiofuata misingi ya chama hicho na kubaki na wale wanaofuata misingi ili kutimiza dhamira na lengo la uwepo wa Chadema,” amesema Mwita.

Ameongeza “Lakini leo wanatoka watu ndani ya Chadema wanaenda CCM kwa kauli moja tu wanaunga mkono juhudi za Rais Mgaufuli, sasa siyo jambo geni na siyo jambo jipya kwetu Chadema, tunaona ni fursa ya kukirekebisha chama.”

Anasema wanaojiunga na CCM hawana fikra za kusaidia taifa ni kwa ajili ya tumbo na ndiyo maana wanazunguza vitu vinavyohusiana na fursa

Amesema kuna siasa za namna tatu ambazo ni tumbo, moyo na akili ambapo ameeleza kuwa kama ukifanya siasa zote utakuwa Chadema na ukifanya ya tumbo utakwenda CCM.

Na Abraham Ntambara

Saturday, January 6, 2018

Nairobi Kenya: Tundu Lissu aituhumu Serikali ya Tanzania kwa jaribio la kutaka kumuua na Bunge kutomhudumia Matibabu




Kesho natimiza miezi minne tangu niletwe hapa Nairobi Hospital nikiwa sijutambui,nishukuru timu ya madaktari waliofanya kazi ya kuokoa maisha yangu".

Kwa namna ya kipekee kabisa niwashukuru wauguzi na madaktari wa Nairobi Hospital kwa kunifanya leo baada ya miezi minne niko hivi mnavyoniona.

Nilipigwa risasi 16 lakini mpaka sasa hakuna taarifa ya kukamatwa kwa mtuhumiwa yeyote wala sijahojiwa mbali na vitisho kwa Dereva wangu na kwa kifupi hakuna uchunguzi wowote kuhusu tukio hilo.

Kwa mara ya kwanza, kikundi cha watu wanaoitwa hawajulikani, walichukua bunduki za vita wakanifuata Bungeni, nilipotoka Bungeni mpaka nyumbani kwangu saa saba mchana kwa lengo la kuniua.

Kuna risasi moja nyuma ya uti wa mgongo. Madaktari wamesema ni hatari zaidi kuitoa kuliko ikibaki

Kilichofanyika dhidi yangu lilikuwa ni tukio la mauaji ya kisiasa moja kwa moja (Planned Political Assasination).

Sikupigwa Risasi za Bastola,walichukua bunduki za Vita wakanifwata kwa lengo la kuniua,ni kwa mara ya kwanza kutokea Tanzania.

Nilipigwa risasi 16 lakini mpaka sasa hakuna taarifa ya kukamatwa kwa mtuhumiwa yeyote wala sijahojiwa mbali na vitisho kwa Dereva wangu na kwa kifupi hakuna uchunguzi wowote kuhusu tukio hilo.

Jeshi la polisi kwa maoni yangu halipepelezi tukio hili kwa sababu wanajua njama za mauaji ya kisiasa kwa sababu nasumbua wakubwa wa Tanzania.

Serikali ya Tanzania na Jeshi la polisi lilifanya kila lililowezekana kuhakikisha watu hawalitaji jina la Tundu Lissu.

Haijawahi kutokea kwa mtu au kikundi cha watu kuchukua silaha na kwenda kumuua kiongozi wa kisiasa kwa sababu tu ya msimamo wake, hii ni mara ya kwanza katika historia.

Kosa kubwa la Tanzania ni kosa la uchochezi, ukiikosoa serikali ni mchochezi, ukimkosoa Rais ni mchochezi, ukimkosoa waziri ni mchochezi.

Sikushambuliwa na silaha za kawaida, nilishambuliwa na silaha za kivita.

Leo nazungumza hapa mbele yenu, Bunge la Tanzania halijatoa hata senti kumi kulipia gharama zangu za matibabu.

Serikali ambazo zina wajibu wa kulinda maisha ya raia wake, zinapoacha wajibu huo zinapaswa kuzomewa na dunia nzima.

Ni wakati wa vyombo vya habari kuihoji Serikali ya Tanzania.. Kwanini mnapiga watu risasi? Kwanini miili ya watu inapatikana ikielea baharini? Kwanini watu wanapotea?

Tangu nishambuliwe, Rais Magufuli hajasema chochote kuhusiana na tukio hili. nimeambiwa kuwa aliandika 'tweet', lakini siamini kama anaweza kutweet kama Rais Donald Trump.

Nimefanyiwa Oparesheni 17 na kwa sasa ninaweza kusema sio nimepata nafuu lakini nimepona kabisa.

Nashukuru Mwenyekiti wa CHADEMA kwa kunileta Nairobi. Serikali ilitaka nitibiwe Dar es Salaam ili niwe chini ya uangalizi wao mbovu.

Friday, December 29, 2017

LETTER FROM NAIROBI HOSPITAL BED

LETTER FROM  NAIROBI HOSPITAL BED


By Tundu AM Lissu (MP)

INTRODUCTION

More than sixty four years ago, on 21st September 1953, Nelson Mandela, then serving a ban from attending public meetings, and eleven years before he's imprisoned for life, wrote the following message to the Transvaal Provincial Party Congress of the ANC:

"There's no easy road to freedom anywhere, and many of us will have to pass through the valley of the shadow of death again and again before we can reach the mountaintops of our desires."

These words were written before the ANC was banned by the apartheid regime in 1960.

They're written before the Treason Trial involving Mandela and others of 1956-1960.

And they're written before Mandela's arrest in 1962, and the eventual Rivonia Trial, which saw him and his eight colleagues sent to Robben Island for life.

TANZANIA IN TATTERS

What Mandela said of the Boer regime then has become true of Tanzania today.

In the two years since President Magufuli took office, hundreds of opposition leaders and activists have been arrested, thrown in police dungeons and or charged with spurious sedition offences.

Many have been tortured in secret locations or murdered and thrown into the sea to be washed out to the beaches later on.

No investigations whatever have been conducted, or otherwise made public, to account for these killings.

Numerous others, artists, journalists, etc., have been abducted, tortured and later released without charge.

Tanzanians, long used to expressing their views freely and publicly, now find themselves arrested and charged in courts for uttering 'careless statements', opinion mildly critical of the Big Man or his government.

Others, such as a CHADEMA activist and blogger, Ben Saanane and a Mwananchi newspaper reporter, have completely disappeared in circumstances that suggest abduction and murder.

Again, no investigations or information into the disappearances have been forthcoming.

Political parties have had their legitimate activities proscribed by presidential fiat.

Political meetings have been broken by police and their leaders arrested.

Opposition parliamentarians, such as this author, have been arrested multiple times within the precincts of Parliament, for statements made in connection with their responsibilities as members and opposition politicians.

A slew of legislation, ranging from cyber crime, telecommunications and statistics have become the weapons of choice in this war against free speech.

In fact, this author writes this from a hospital bed in Nairobi, Kenya, after surviving a brutal assassination attempt on 7th September 2017.

No one has been arrested, charged or even suspected in connection with the brutal attack, carried out in broad daylight inside a guarded government housing compound.

Newspapers and radio stations that publish or broadcast news critical of the regime have been banned or suspended.

The business community and foreign investors, once touted as the key drivers of our national economy, have been squeezed hard, with their properties illegally seized or sequestered.

Many have fled or scaled down on their investment. Thousands of workers have, as a result, been laid off.

Such is the consequent economic hardship across the country that Magufuli himself has ordered the arrest of those who complain that 'vyuma vimekaza', a slang for dire economic straights facing the country and people!

The public service is in turmoil, as ranking civil servants are fired in political rallies without even a pretence of due process.

Universities and other institutions of higher learning are under siege, as academic freedom, the raison d'etre of the university, has all but disappeared.

TAKING ON THE CHURCH

Now, the Magufuli regime has opened another war front, this time against the Church and other religious institutions.

After a series of critical pastoral letters and Christmas homilies critical of the regime's authoritarianism, Magufuli's government has basically told the Bishops to shut up at the pain of having their churches struck off from the register.

His responsible Permanent Secretary, a Major General at that, has officially decried the tendency by religious leaders to 'analyse political issues' during prayer services. His message is clear: shut up or you're out of business.

Thus far a Bishop is being sought for arrest by the police, for making allegedly seditious statements against the President during his Christmas message to his congregation.

Another, a President of the powerful Tanzania Episcopal Conference, has reportedly been summoned by immigration officers to explain his citizenship, after he also fell foul of the 'New Normal' under Magufuli by criticising his government.

WHAT'S TO BE DONE???

By all accounts, the two years of the Magufuli regime have been an unprecedented national disaster.

We're in middle of the valley of the shadow of death that Nelson Mandela spoke of in 1953.

We must strive to pass through this valley and emerge on the other side.

We must hold the bull of this regime by the horns. We must oppose it anywhere and everywhere.

We must denounce its crimes to the international community. We must strive to make Magufuli and his henchmen the skunks of this world.

To do all this we require a maximum of unity, discipline and seriousness of purpose.

Taking opposition politics as a part-time hobby will not suffice. Thinking that it's risk free is foolhardy, if not suicidal.

We must hope for the best and at the same time prepare for the worst.

Time is on our side. The regime has offended every important section of the Tanzanian masses.

In spite of all the propaganda and lies fed on the wananchi, they remain largely defiant.

The regime couldn't be more isolated from its people and even within the wider East African region given Magufuli's erratic behaviour.

All the masses need now is a leadership that's not scared to lead. A leadership that not only exposes the rottenness of this regime, but also teaches the masses how to rid themselves of the rot. We must provide that leadership.

It's imperative that we create a broad national coalition, a movement of all those who see no future but disaster ahead under the current system.

Given Magufuli's propensity for making enemies, this may not be as difficult a task as some might think. It just needs creativity, honesty and a sense of purpose.

CONCLUDING NOTE

As I recuperate from the multiple gunshot wounds received from those sent to kill me, I continue to be absolutely convinced that the future is ours if we can organise ourselves along the lines suggested here.

I'll continue to write these 'Letters From Nairobi Hospital Bed' as long as my condition allows.

I wish you all Happy New Year 2018.

Wednesday, December 27, 2017

MBUNGE LIJUALIKALI AKAMATWA NDANI YA MAHAKAMA MOROGORO



By Hamida Shariff, Mwananchi hshariff@mwananchi.co.tz

Mbunge wa jimbo la Kilombero kupitia chama cha Demokrasia na maendeleo (Chadema) Peter Lijualikali amekamatwa na maofisa wa polisi muda mfupi baada ya kuahirishwa kwa kesi yake yenye mashtaka nane likiwemo la kuchoma moto ofisi ya kijiji.

Lijualikali amekamatwa ndani ya mahakama ya Hakimu Mkazi mkoa wa Morogoro na maofisa hao na kupelekwa katika kituo cha polisi mkoa wa Morogoro kwa kile kilichodaiwa na maofisa hao kuwa wanataka kumhoji zaidi.

Wakati Mbunge huyo akikamatwa alionekana kupigwa na butwaa huku akitii amri ya maofisa wa polisi kwa kufanya kila alichotakiwa huku wafuasi wa Chadema wakionekana kulalamika kwa kudai kuwa mbunge huyo hakutendewa haki.

Akizungumzia tukio la kukamatwa kwa mbunge huyo ndani ya viunga vya mahakama wakili wa upande wa utetezi Barthelomeo Tarimo amewatoa hofu ndugu, jamaa na wanachama wa Chadema na kueleza kwamba polisi wana haki ya kumhoji mbunge huyo wakati wowote.

Aliyekuwa mgombea ubunge wa jimbo la Morogoro 2015 kupitia Chadema Dkt. Marcus Albanus amedai kuwa kitendo cha kukamatwa kwa mbunge huyo ndani ya mahakama kinatengeneza hofu kwa raia hususani wapiga kura wa mbunge huyo wa jimbo la Kilombero.

Dk Marcus alidai kuwa kama maafisa wa polisi walipaswa kutengeneza mazingira ya amani na ya heshima ikiwa ni pamoja na kumuita kituoni ili aende kwa miguu yake mwenyewe badala ya kumkamata hadharani.

Awali ilidaiwa mahakamani hapo kwamba mbunge huyo wa Kilombero Peter Lijualikali, Suzani Kiwanga wa jimbo la Mlimba pamoja na washtakiwa wenzao ambao kwa sasa wamefikia 57 walitenda makosa hayo nane Oktoba 26 mwaka huu katika kijiji cha Sofi Wilaya ya Malinyi mkaoni hapa.

Kabla ya kutajwa kwa kesi hiyo jana mbele ya hakimu wa mahakama hiyo Ivan Msaki, wakili wa Serikali Karistus Kapinga aliwasilisha ombi mahakamani hapo la kuongeza washtakiwa 15 ambao kwa sasa wameunganishwa katika mashtaka hayo na hivyo kufikia washtakiwa 57.

Wakili Kapinga amedai kuwa upelelezi bado haujakamilika hivyo mahakama hiyo kuahirisha kesi hiyo hadi Januari 31 itakapotajwa tena huku washtakiwa 15 waliongezwa kwenye hati ya mashtaka wakitakiwa kurudi Januari 3 na kwamba washtakiwa wote wako nje kwa dhamana ya watu wawili kila mmoja watasaini dhamana Sh5 milioni.

Friday, December 22, 2017

ZITTO AKUTANA NA KUFANYA MAZUNGUMZO NA MBOWE

Katika kikao chake cha juzi, ambacho kiliamua kugomea ushiriki wa uchaguzi wa marudio, Kamati Kuu ya ACT Wazalendo iliuagiza Uongozi wa Taifa wa Chama kuwafikia wadau wote wa Demokrasia nchini na kuweka mikakati ya pamoja ya hatua za ziada za kuchukua ili kuboresha mazingira ya chaguzi za haki nchini kwetu, kwa kuanzisha mazungumzo na vyama vyote vya Upinzani nchini ili kuona njia bora zaidi ya mapambano ya pamoja ya kukabiliana na vitendo vya chama tawala cha kuvuruga chaguzi huru na za haki nchini.

Wakati Katibu Mkuu wa chama chetu, ndugu Dorothy Semu, anaendelea na utaratibu rasmi wa kulitekeleza hilo, nilipewa wajibu wa kuanzisha mazungumzo ya Viongozi wa Juu wa vyama hivyo. Jana, nimezungumza na Mwenyekiti wa Taifa wa NCCR Mageuzi, ndugu James Mbatia aliye hospitalini KCMC baada ya ajali (namuomba Mola ampe afya njema), pamoja na kukutana na Mwenyekiti wa Taifa wa Chadema, ndugu Freeman Mbowe.

Nafurahi kwamba mazungumzo yetu yameanza vizuri.

Kabwe Z. Ruyagwa Zitto
Kiongozi wa Chama – ACT Wazalendo
Disemba 21, 2017
Dar es salaam.

Tuesday, December 19, 2017

Taarifa kwa Umma - kuhusu uchaguzi wa Spika wa Bunge la Afrika Mashariki.

CHAMA CHA DEMOKRASIA NA MAENDELEO (CHADEMA)

Taarifa kwa Umma - kuhusu uchaguzi wa Spika wa Bunge la Afrika Mashariki.

Leo tarehe 18 Novemba,2017 pamoja na mambo mengine ilitarajiwa kufanyika kwa uchaguzi wa Spika wa Bunge la Afrika Mashariki (EALA)huko Arusha.

Kwa mujibu wa Kanuni ya 8 ya Kanuni za Bunge hilo kuhusu uchaguzi wa Spika inasema kuwa Spika wa Bunge hilo atapatikana kwa njia ya mzunguko kutoka nchi moja baada ya nyingine, kwa mujibu wa kumbukumbu zilizopo ni kuwa Tanzania, Kenya na Uganda walishakuwa na Spika wa Bunge katika Bunge hilo.

Awamu hii Spika alipaswa kutoka Rwanda, Lakini Tanzania kwa kuwa CCM imezoea kutokuheshimu Sheria na Kanuni zilizopo imemteua Mbunge wake Adam Kimbisa kugombea nafasi ya Spika kinyume kabisa na Kanuni za Bunge hilo na huu ukiwa ni mwendelezo wa utamaduni wao wa kutokuheshimu Sheria na Kanuni, kitendo ambacho kinatishia ustawi na uwepo wa Jumuiya ya Afrika Mashariki.

CHADEMA tunalaani kitendo hiki, CCM wajue kuwa watabeba lawama zote kama kutakuwa na mgogoro ndani ya Bunge la Afrika Mashariki ambayo unaweza kupelekea mgogoro wa kidiplomasia katika Jumuiya nzima kutokana na tabia yao ya kutoheshimu taratibu zilizowekwa.

CHADEMA tunataka Kanuni za EAC ziheshimiwe, Kwani tunakumbuka Matendo ya Idd Amin mwaka 1977 yalivyovunja Jumuiya hii, hatutaki yajirudie kamwe.

Imetolewa Leo tarehe 18 Novemba, 2017.

John Mrema

Mkurugenzi wa Itikadi, Mawasiliano na Mambo ya Nje.

Friday, December 15, 2017

KAULI YA UPENDO PENEZA KUHUSU SUALA LA WABUNGE KUHAMA CHAMA NA KUFANYA MARUDIO YA UCHAGUZI



CHAMA CHA DEMOKRASIA NA MAENDELEO (CHADEMA) TAARIFA KWA VYOMBO VYA HABARI

CHAMA CHA DEMOKRASIA NA MAENDELEO (CHADEMA)  TAARIFA KWA VYOMBO VYA HABARI

Chama cha Demokrasia na Maendeleo (CHADEMA ) leo tarehe 14 Disemba,2017 tumepokea taarifa kupitia mitandao ya kijamii kuwa Mbunge wa Siha Dr.Godwin Mollel amejiuzulu uanachama na kujiunga na CCM .
Dr. Godwin Mollel ameeleza sababu ya uamuzi wake huo ni kutaka kulinda rasilimali za Taifa.

Sababu hii aliyoitoa ni ya kushangaza kwani Bunge ndicho chombo chenye wajibu wa kusimamia na kulinda rasilimali za Taifa kwa niaba ya wananchi.

Ni jambo la kushangaza kwa kuwa kitendo chake cha kulikimbia Bunge kama chombo cha kusemea na kutetea rasilimali za Taifa na kuja uraiani inatoa taswira gani maana kalikimbia Bunge lenye wajibu huo kwa mujibu wa Katiba na Sheria za nchi yetu.
Tunawashauri wale wote ambao wanajitoa waeleze sababu halisi na sio kuhadaa umma kwa sababu uchwara kama hizi, maana wapo wanaosema wanaacha kazi kwenda kuunga mkono dhana ya 'hapa kazi tu' na wengine wanasema wanaenda kuunga mkono juhudi za kuboresha maisha kwa kuacha kazi.

CHADEMA tuko imara sana na tutaendelea na ajenda zetu bila kuyumbishwa na wimbi hili la watu wachache ambao wameamua kuwasaliti wapiga kura wao kwa kutoa sababu zisizo za msingi ambazo hazina maslahi kwa Taifa bali kwa maslahi yao binafsi . Huu ni ubinafsi wa hali ya juu.

Tutaendelea kujenga Taifa letu na Chama chetu bila kujali njaa za baadhi yetu wala maslahi ya watu wachache. Ila kwa hakika ni kuwa wale wenye dhamira thabiti ndio wataweza kufika mwisho wa safari ya kuleta mabadiliko salama. Ni dhahiri wale waliotanguliza ubinafsi hatutaweza kufika nao mwisho wa safari hii.

Imetolewa leo Alhamis 14 Novemba, 2017

JOHN MREMA

Mkurugenzi wa Itikadi, Mawasiliano na Mambo ya Nje.